మంచువారి 'హనుమంతుడి జీవిత కథ'

బాహుబలి ఇచ్చిన స్పూర్తితో మంచు విష్ణు అత్యంత ప్రతిష్టాత్మకమైన సినిమాని నెత్తికెత్తుకోబోతున్నాడు.హనుమంతుడి జీవిత కథ ఆధారంగా ఓ సినిమాను తెరకెక్కించేందుకు మంచు విష్ణు ప్రయత్నాలు చేస్తున్నట్టు ప్రచారం జరుగుతోంది. భారీ బడ్జెట్ కావడంతో భాగస్వామ్యం కోసం హాలీవుడ్ నిర్మాణ సంస్థల్ని కూడా సంప్రదిస్తున్నాడని సమాచారం. సినిమా తెలుగుతో పాటు తమిళ, హిందీ, ఇంగ్లీష్భాషల్లోనూ రూపొందనుందని తెలుస్తోంది. తెలుగు తమిళ భాషల వరకు ఓ కన్సల్టెంట్ డైరెక్టర్ ను నియమించుకుంటాడట. హనుమంతుడి బాల్యం నుంచి హిమాలయాలకు వెళ్లేవరకూ జరిగిన విశేషాలను తెరకెక్కించనున్న ఈ సినిమాలో హనుమంతుడిగా మంచు విష్ణు నటించబోతున్నాడట. విష్ణు ప్రయత్నాలు ఫలిస్తే ఈ సినిమా మంచు ఫ్యామిలీ సినిమాల్లో ప్రత్యేకంగా నిలిచిపోతుందనడంలో సందేహం లేదు.